“Azərbaycandan qayıdan hərbçilərə əsirlikdə işgəncə verilməyib” - Ermənistan İstintaq Komitəsi

azerbaycandan-qayidan-herbcilere-esirlikde-isgence-verilmeyib
Oxunma sayı: 4248

Ermənistana qaytarılan hərbçilər hazırda müstəntiqlər tərəfindən dindirilir, qalanlarının müalicəsi aparılır.

"Qafqazinfo" "Sputnik Ermənistan"a istinadən xəbər verir ki, bu barədə Ermənistan İstintaq Komitəsinin mətbuat katibi Vardan Tadevosyan məlumat verib.

O bildirib ki, hazırda 10 hərbçi şahid qismində dindirilir, qalan 7 nəfərin müalicəsi davam etdirilir, onlar da reabilitasiyadan sonra dindiriləcəklər.

Tadevosyanın sözlərinə görə, geri qayıdan əsgərlər arasında ağır yaralı olmayıb, bəzilərində yüngül qəlpə yaraları var, əsirlikdə onlara işgəncə verilməyib.

Xatırladaq ki, oktyabrın 4-də Bakı ABŞ-ın vasitəçiliyi ilə 17 erməni hərbçini İrəvana qaytarıb.