Azərbaycanlı məşqçi Türkiyənin məşhur klubunda

azerbaycanli-mesqci-turkiyenin-meshur-klubunda
Oxunma sayı: 1050

Azərbaycanlı məşqçi Asim İbrahimov dünən Türkiyə Super Liqa təmsilçisi “Adanaspor”un idman direktoru təyin edilib. O, klubla 1 illik müqavilə bağlayıb.

"Qafqazinfo" xəbər verir ki, İbrahimov idman direktoru təyin edilsə də, Adana təmsilçisində baş məşqçi funksiyasını yerinə yetirəcək.

Belə ki, “Adanaspor”un artıq növbəti mövsümdən Türkiyə birinci liqasında çıxış edəcəyi dəqiqləşib. Türkiyə Futbol Federasiyasının əsasnaməsinə görə, bu liqada əcnəbi məşqçilərin çalışmasına icazə yoxdu. Məhz buna görə, İbrahimov Adana klubunda idman direktoru kimi işə götürülüb. Lakin o, burda baş məşqçi funskiyasını yerinə yetirəcək.

İbrahimov əvvəllər ölkəmizdə MOİK, “Qaradağ Lökbatan”, “İnter”, “Turan” və “Neftçi”də çalışıb. Onun son iş yeri Ukrayna 2-ci liqa təmsilçisi “Podolye” (Xmelnitski) olub. Mütəxəssis artıq 1 həftədir Adanadadır və komandanın məşqlərini izləyir.

***

"Qafqazinfo" məlumatı dəqiqləşdirmək üçün Asim İbrahimovla əlaqə saxlayıb. O, təyinatı ilə bağlı məlumatı təsdiqləyib.