Azərbaycanlı rəssama Rusiyadan medal
Diasporla İş Üzrə Dövlət Komitəsindən “Qafqazinfo”ya daxil olan xəbərə görə, soydaşımız bu mükafata Türkiyə və Rusiya arasında mədəni əlaqələrin inkişafına verdiyi töhfələrə görə layiq görülüb. Medalın təqdimatı elə Teymur Rzayevin təşəbbüsü ilə bu günlərdə Memar Sinan İncəsənət Universitetinin İstanbuldakı sərgi salonunda təşkil edilən Rusiya İncəsənət Akademiyasının prezidenti Zurab Tseretelinin fərdi sərgisində olub.
Rektor Yalçın Karayağız bu sərginin Türkiyə və Rusiya arasındakı mədəni əlaqələrin genişlənməsində böyük rol oynayacağını qeyd edib. Rusiya İncəsənət Akademiyasının prezidenti Zurab Tsereteli isə öz növbəsində iki ölkə arasında dostluq, incəsənət, yaradıcılıq vasitəsilə daha böyük inkişaf əldə edə biləcəklərini vurğulayıb. O, bu əlaqələrin gücləndirilməsində böyük zəhməti olan Y.Karayağıza minnətdarlığını bildirərək ona Akademiyanın “Ləyaqət” medalını təqdim edib.Memar Sinan İncəsənət Universitetinin rektoru Y.Karayağız isə Rusiya İncəsənət Akademiyasının prezidenti Zurab Tsereteliyə və Akademiyanın vitse-prezidenti Tahir Salahova minnətdarlığını bildirərək, universitet adından təşəkkürnamə təqdim edib.
Son Xəbərlər
- 1
- 2
- 3
- 4
- 5
- 6
