“Azərişıq” rəhbərliyi Şirvanda vətəndaşlarla görüşdü

azerisiq-rehberliyi-sirvanda-vetendaslarla-gorusdu
Oxunma sayı: 1443

Dekabrın 3-də “Azərişıq" ASC-nin sədr müavini Ramil Yusifov Şirvan şəhərində vətəndaşları qəbul edib.

"Qafqazinfo" xəbər verir ki, qəbulda Şirvan və Hacıqabul sakinləri iştirak ediblər. Qəbulda “Azərişıq” ASC-nin fəaliyyət istiqaməti üzrə şikayət və təkliflər dinlənib. R.Yusifov bütün məsələlərin qanunvericiliyə uyğun və operativ şəkildə həll edilməsi üçün ASC-nin əlaqədar struktur qurumlarının rəhbərlərinə və rayon elektrik şəbəkələrinin rəislərinə müvafiq göstərişlər verib.

Vətəndaşların müraciətlərinin əsas hissəsi yerindəcə həllini tapıb. Araşdırılma tələb edən müraciətlər nəzarətə götürülüb və operativ həlli üçün icraya yönəldilib. “Azərişıq” ASC-nin fəaliyyət istiqamətlərinə aid olmayanların isə qeydə alınaraq aidiyyəti üzrə göndəriləcəyi bildirilib.

Vətəndaşlar bölgə sakinlərinin yerindəcə qəbulu və müraciətlərinə baxılması üçün yaradılan şəraitdən razılıq ediblər.