“Azərsu” 4 ay ərzində 305 anbar dezinfeksiya edib - Fotolar
“Azərsu” Açıq Səhmdar Cəmiyyəti 2022-ci ilin yanvar-aprel aylarında ümumi həcmi 490 min kubmetr olan 305 mərkəzi və məhəllədaxili anbar yuyaraq təmizləyib və dezinfeksiya edib.
“Qafqazinfo” xəbər verir ki, ümumilikdə, 2022-ci ildə Bakı şəhəri və Abşeron yarımadasında, həmçinin regionlarda ümumi həcmi 1 milyon kubmetrdən çox olan 870 anbarın yuyulub təmizlənməsi nəzərdə tutulur.
“Azərsu” ASC-nin balansında olmayan və mənzil-tikinti kooperativlərinə (MTK) məxsus su anbarları da ildə ən azı bir dəfə yuyulub təmizlənməlidir. Bununla bağlı MTK rəhbərləri məlumatlandırılır, əhaliyə verilən içməli suyun təhlükəsizliyi üçün anbarların yuyulub-təmizlənməsinin zəruri olduğu onların diqqətinə çatdırılır.
MTK-lar su anbarlarının yuyulub təmizlənməsi üçün bu sahədə ixtisaslaşmış təşkilatlara və ya “Azərsu” ASC-nin yerli sukanal idarələrinə müraciət edə bilər. Anbarların yuyulması tərəflər arasında bağlanmış müqaviləyə uyğun olaraq kooperativlərin vəsaiti hesabına həyata keçirilir. Yuyulub-təmizləndikdən sonra anbarların istismarına Gigiyena və epidemiologiya mərkəzlərinin rəyi əsasında icazə verilir.
Son Xəbərlər
- 1
- 2
- 3
- 4
- 5
- 6
