Bakı aeroportunun enerji təchizatında fasilə sıxlığa səbəb oldu

Bakı aeroportunun enerji təchizatında fasilə sıxlığa səbəb oldu
Oxunma sayı: 2148

Heydər Əliyev Beynəlxalq Aeroportunun elektrik enerji təchizatında yaranan fasilələrlə əlaqədar sərnişin terminallarının elektrik enerjisi ilə təmin olunması üçün ehtiyat enerji mənbəsindən istifadə edilir.

“Qafqazinfo” xəbər verir ki, bu barədə Heydər Əliyev Beynəlxalq Aeroportunun Mətbuat xidməti məlumat yayıb.

Hazırda hava limanının müvafiq xidmətləri hadisənin nəticələrinin aradan qaldırılmasına başlayıb.

Bakı hava limanının müntəzəm enerji təchizatının bərpası üçün bütün lazımi addımlar atılır.

Qeyd edək ki, sosial şəbəkələrdə AZAL-da sistemin işləməməsi ilə bağlı məlumat yayılıb. Sözügedən problem isə hava limanında sıxlığa səbəb olub.