Bakı metrosunda problem yarandı - Yenilənib
Bakı Metropoliteninin işində problem yaranıb.
“Qafqazinfo” Metropolitenin Mətbuat Xidmətinin rəhbəri Bəxtiyar Məmmədova istinadən xəbər verir ki, “Nizami-İnşaatçılar” sahəsində Metropolitenə gələn xətlərdə elektrik enerjisinin verilişində qısamüddətli gərginlik düşüb.
Nəticədə xətlər üzrə qatarların hərəkətində yubanmalar müşahidə olunur.
***
Bakı Metropoliteni QSC-nin mətbuat katibi Bəxtiyar Məmmədov “Qafqazinfo”ya açıqlamasında bildirib ki, artıq qatarların hərəkəti bərpa olunub:
“Tuneldə qalan olmayıb. Elektrik enerjisinin verilişində qısamüddətli gərginliyin düşməsi nəticəsində qatarlar qısamüddətli yubanma ilə hərəkət ediblər. İntervalda pozulma olmayıb və hazırda problem aradan qaldırılıb. Qatarların hərəkəti bərpa edilib”.
Gülnar Əliyeva
Son Xəbərlər
