Bakıda 91 şagird məktəbdən yayınıb - Yenilənib
Ötən il paytaxt Bakıda 91 şagirdin icbari təhsildən yayınması aşkarlanıb.
“Qafqazinfo” xəbər verir ki, bu barədə İnsan alverinə qarşı mübarizə üzrə Milli Koordinatorun illik məlumatında qeyd olunub.
Bildirilib ki, həmin şagirdlərin valideynlərinə xəbərdarlıq edilməklə dərsə davamiyyətləri təmin olunub.
Həmçinin oxuyun: В Новханы убили известного пластического хирурга - Фото
***
Qeyd olunub ki, hesabat ilində uşaq əməyinin istismarının qarşısının alınması üzrə həyata keçirilən reydlər zamanı ailə mühitindən, pedaqoji və ictimai təsir vasitələrindən kənarda qalan, küçələrdə işləyən və dilənçilik edən 685 uşaq, eləcə də buna şərait yaradan 232 valideyn aşkarlanıb.
Bildirilib ki, yerli icra hakimiyyətləri yanında komissiyalara, qəyyumluq və himayə orqanlarına 619 material göndərilib, övladlarının təlim-tərbiyəsi ilə bağlı üzərinə düşən vəzifələri yerinə yetirməyən 48 valideyn inzibati məsuliyyətə cəlb edilməklə polis nəzarətinə götürülüb.
Aparılmış araşdırmalarla isə uşaqların kənar şəxslər tərəfindən dilənçiliyə cəlb edilməsi faktı müəyyən edilməyib.
Zaur Mirzə
Son Xəbərlər
- 1
- 2
- 3
- 4
- 5
- 6
