Bakıda ağır qəzada yaralanan şəxslərdən biri öldü
İyunun 14-nə keçən gecə Binəqədi rayonunda baş vermiş ağır qəzada xəsarət alan şəxslərdən biri Kliniki Tibbi Mərkəzdə vəfat edib.
“Qafqazinfo” xəbər verir ki, Goradil-Novxanı yolunda “Hyundai” markalı avtomobilin aşması nəticəsində ağır xəsarət alan 1980-ci il təvəllüdlü Əhmədov Fəxri Əkbər oğlu xəstəxanada dünyasını dəyişib.
Qəzada ağır yaralanan 1986-cı il təvəllüdlü K.Rüstəmovanın vəziyyəti isə ağır olaraq qalır, onun müalicəsi xəstəxanada davam etdirilir.
Qeyd edək ki, gecə saat 23 radələrində Dənizkənarı yolda aşan avtomobildə xəsarət alan 1982-ci il təvəllüdlü Əhmədova Vüsalə Məmmədrza qızı, 1999-cu il təvəllüdlü Ağayeva Əsubə Mehdi qızı və sürücü, 1975-ci il təvəllüdlü Əhmədov Mahir Valeh oğlunun həyatına təhlükə olmadığı bildirilib. Yaralanan şəxslərdən Ə.Ağayeva hamilə olub.
Faktla bağlı cinayət işi açılıb, araşdırmalar davam etdirilir.
Nizam Rza
Son Xəbərlər
- 1
- 2
- 3
- 4
- 5
- 6
