Bakıda avtobusda yanğın baş verib.
"Qafqazinfo" xəbər verir ki, bu barədə BNA sözçüsü Mais Ağayev məlumat yayıb.
O bildirib ki, bu gün səhər saat 7 radələrində "Çinar-Trans" MMC-yə məxsus 99 JK 763 dövlət qeydiyyat nişanlı sərnişin avtobusunda yanğın hadisəsi olub. Hadisə avtobus Zığ yolu-Hava limanı istiqamətində hərəkətdə olan zaman baş verib.
Yanğın vaxtı avtobus müntəzəm və ya ekspres marşrut xətti üzrə fəaliyyətdə olmayıb. Sürücü tək olub və o, hər hansı bir xəsarət almayıb.