Bakıda daha bir məktəb distant təhsilə keçdi

bakida-daha-bir-mekteb-distant-tehsile-kecdi
Oxunma sayı: 2373

Paytaxtdakı 245 nömrəli tam orta məktəbin fəaliyyəti distant təhsil formasında davam etdiriləcək.

Bu barədə "Qafqazinfo"ya Bakı Şəhəri üzrə Təhsil İdarəsindən bildirilib. 

Belə ki, 245 nömrəli tam orta məktəbin 12 müəllimi və 5 şagirdinin COVID-19 infeksiyasına yoluxması təsdiq olunub. Həmçinin COVID-19 testi pozitiv çıxan şagirdlərlə digər şagirdlərin təmasda olması qeydə alınıb.

Bu səbəbdən Gigiyena və Epidemiologiya Mərkəzinin rəyi əsasında 245 nömrəli məktəbdə əyani tədris prosesi 14 gün müddətinə distant təhsillə əvəz olunub.