Bakıda ər arvadını gözəllik salonunda öldürdü
Bakıda ər arvadını qətlə yetirib.
DİN-in mətbuat xidmətindən "Qafqazinfo"ya bildirilib ki, hadisə bu gün saat 12:40 radələrində Rəzulzadə qəsəbəsində gözəllik salonlarından birində baş verib.
Belə ki, 1986-cı il təvəllüdlü Aygün Yusifovanın kəsici-deşici alətlə qətl yetirilməsi barədə polisə məlumat daxil olub. Cinayət əməlini törətməkdə şübhəli bilinən qadının həyat yoldaşı 1980-ci il təvəllüdlü İsrafil Yusifov polisə gələrək təslim olub.
Araşdırma aparılır.
***
Binəqədi rayon prokurorluğundan bildirilib ki, rayon ərazisində yerləşən gözəllik salonlarından birində 1986-cı il təvəllüdlü Aygün Yusifovanın ölməsi barədə rayon prokurorluğuna məlumat daxil olub.
İlkin araşdırma zamanı İ.Yusifovun şəxsi münasibətlər zəminində yaranmış mübahisə zamanı arvadı Aygün Yusifovaya kəsici-deşici alətlə xəsarət yetirməklə qəsdən öldürməsinə əsaslı şübhələr müəyyən edilib. Hadisədən sonra İ.Yusifov könüllü olaraq istintaqa təslim olub.
Faktla bağlı cinayət işi başlanıb. İstintaq davam etdirilir.
Son Xəbərlər
- 1
- 2
- 3
- 4
- 5
- 6
