Bakıda Gənc Şairələrin Beynəlxalq Forumu keçirilir
Bakıda “Böyük İpək Yolu” Beynəlxlaq Gənclər İttifaqının təşkilatçılığı və Gənclər və İdman Nazirliyinin dəstəyi ilə “Gənc Şairələrin Bakı Forumu” keçirilir.
“Qafqazinfo” xəbər verir ki, forumun iştirakçları bu gün Azərbaycan Yazıçılar birliyində olub, sədr, xalqı yazıçısı Anarla görüşüblər. Görüşdə İpək Yolu üzərində olan xalqların tarixi ənənələri, həmçinin ədəbiyyat sahəsində də bir sıra oxşar cəhətləri ətrafında fikir mübadiləsi aparılıb. Eyni zamanda xalqımızın zəngin ədəbi irsi barədə qonaqlara məlumatlar verilib.
Sonra Forum iştirakçıları Şəhidlər Xiyabanını ziyarət ediblər. Azərbaycanın azadlığı uğrunda canlarından keçən şəhidlərin ruhu ehtiramla anılıb. Həmçinin iştirakçılar Bakının görməli bir sıra yerləri ilə də tanış olublar.
Qeyd edək ki, ənənəvi olaraq keçirilən “Gənc Şairələrin Bakı Forumu”na bu il Gürcüstan, Xorvatiya, Hindistan, İran, Qazaxıstan, Qırğızıstan, Mərakeş, Türkiyə, Ukrayna, Əfqanıstan Tunisdən iştirakçılar qatılıb. Forum sabah öz işinə davam edəcək.
Son Xəbərlər
- 1
- 2
- 3
- 4
- 5
- 6
