Bakıda müəllimi döyən şəxs tutuldu

Bakıda müəllimi döyən şəxs tutuldu
Oxunma sayı: 4622

Dünən sosial şəbəkələrdə məktəb müəlliminin bir nəfər naməlum şəxs tərəfindən döyülməsini əks etdirən video yayılıb.

DİN Mətbuat Xidmətindən “Qafqazinfo”ya bildirilib ki, həmin görüntülərlə bağlı polis tərəfindən aparılan təxirəsalınmaz araşdırmalarla əməli 2000-ci il təvəllüdlü Fərid Əfəndizadənin törətməsi müəyyən olunub.

Fakt üzrə Xətai RPİ-nin İstintaq şöbəsi tərəfindən Cinayət Məcəlləsinin 221.3-cü (Xuliqanlıq) maddəsi ilə cinayət işi başlanıb və keçirilən tədbirlərlə ictimai təhlükəli əməldə şübhəli bilinən F.Əfəndizadə tutularaq istintaqa cəlb edilib. Hazırda istintaq hərəkətləri davam etdirilir.

Həmçinin oxuyun: SOCAR-ın işçilərinə saxta PCR testi satan şirkət direktoru azadlığa buraxılıb​

Qeyd edək ki, dünən yayılan videoda müəllimi döyən şəxs onu hazırlıq keçdiyi qızlara qarşı seksual xarakterli hərəkətlər etməkdə ittiham edərək döyüb.