Bakıda tikinti şirkəti 68 min manatlıq ağacları kəsib

Bakıda tikinti şirkəti 68 min manatlıq ağacları kəsib
Oxunma sayı: 1781

Dövlət Ekoloji Təhlükəsizlik Xidmətinin əməkdaşları tərəfindən keçirilən nəzarət tədbirləri zamanı Nəsimi rayonu, Rəşid Məmmədov 25 ünvanında ağac kəsintisi faktı müəyyən edilib.

Xidmət rəsmisi Bəhruz Məhəmmədov “Qafqazinfo”ya bildirib ki, araşdırma zamanı ağacların sözügedən ərazidə tikinti işləri aparan “XXI əsr Xəzər İnşaat” MMC tərəfindən kəsildiyi və təbiətə 67 680 manat məbləğində ziyan dəydiyi məlum olub.   

Faktla bağlı toplanmış sənədlər hüquq-mühafizə orqanlarına təqdim olunacaq.