Bakıda yol polisləri qan verdilər - Fotolar
.jpg "bakida-yol-polisleri-qan-verdiler")
Bakı şəhər Dövlət Yol Polisi İdarəsində könüllü qanvermə aksiyası keçirilib.
Azərbaycan Talassemiya Federasiyasından “Qafqazinfo”ya verilən məlumata görə, fevralın 20-də federasiya, Qan Donorları Assosiasiyasının birgə təşkilatçılığı və Mərkəzi Qan Bankının dəstəyi ilə Bakı şəhər Baş Polis İdarəsinin Dövlət Yol Polisi İdarəsində növbəti könüllü qanvermə aksiyası keçirilib.
Tədbirdə idarənin onlarla əməkdaşı qana ehtiyacı olan xəstələr üçün könüllü olaraq qan verib.
Aksiyanın paytaxtın digər polis idarə və bölmələrində də davam etdirilməsi nəzərdə tutulur.
Talassemiya irsi qan xəstəliyidir və bu xəstəliyin müalicə olunmasında qan köçürmə prossesi mühüm rol oynayır.
Talassemiyalı xəstələri qanla təmin etmək üçün respublikada mütəmadi olaraq qanvermə aksiyaları keçirilir.
Qeyd edək ki, həkim nəzarətindən keçirilən donorların çəkisi 50 kq-dan az olmamalı, yaş həddi 18-60 arası fiziki sağlam şəxslər qan verə bilər. Bu gün keçirilən aksiya çərçivəsində də donorlar əvvəlcə həkim nəzarətindən keçirilib, daha sonra isə qan verib.
Son Xəbərlər
- 1
- 2
- 3
- 4
- 5
- 6
