Bakıda keçiriləcək 17 yaşadək qadınlararası futbol üzrə Dünya Çempionatının hazırlıq işlərindən danışan gənclər və idman naziri Azad Rəhimov bildirib ki, yarışlar üçün digər stadionların hamısı hazırdır. Onun sözlərinə görə, iyulun 6-sı püşkatma mərasimi keçiriləcək və bununla bağlı Azərbaycana tanınmış futbolçular gələcək.
Nazir həmçinin AVRO 2012 oyunlarında İtaliya yığmasına azarkeşlik etdiyini bildirib.
Azərbaycanın 2024-cü il Olimpiya Oyunlarına namizədliyini irəli sürüb-sürməyəcəyi məsələsinə aydınlıq gətirən nazir qeyd edib ki, bu dövlət başçısının səlahiyyətində olan məsələdir: “Bizim 4 il vaxtımız var, bu barədə məsləhətləşmələr gedəcək. Gələcəkdə bu barədə məlumat veriləcək”.