Bələdiyyə sədri barədə protokol tərtib edildi
İyunun 18-də paytaxtın Suraxanı rayonunda Daxili İşlər Nazirliyi ilə Ekologiya və Təbii Sərvətlər Nazirliyi birgə reyd keçirib.
“Qafqazinfo”nun DİN-ə istinadən verdiyi xəbərə görə, reyd zamanı Zığ bələdiyyəsinin inzibati binasının arxa hissəsində məişət tullantılarının qalaqlanması faktı aşkar olunub. Zığ bələdiyyəsinin sədri K.Nəsrullayev İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduğuna görə barəsində protokol tərtib edilib.
Bu istiqamətdə tədbirlər davam etdirilir.
Son Xəbərlər
- 1
- 2
- 3
- 4
- 5
- 6
