Bu günlərdə Bərdə Rayon İcra Hakimiyyəti başçısının müavini, YAP rayon təşkilatının sədri Fəqət Şadlinskaya, İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin  müdiri Samir Səfərov, şöbənin böyük  məsləhətçisi  Ziya İsmayılzadə və YAP rayon təşkilatının baş məsləhətçisi Səba Məmmədova qazi Yusifov Hüseyn Natiq oğluna baş çəkib.

Bərdə RİH-dən “Qafqazinfo”ya verilən məlumata görə, ailənin çətinlikləri ilə maraqlanılıb və bəzi problemlərinin həlli üçün köməkliklər göstərilib.

Qazi Hüseyn Yusifov özünün hərbidəki  xidmətlərindən danışıb, eyni zamanda Prezident İlham Əliyev və ölkənin Birinci vitse-prezidenti Mehriban Əliyeva tərəfindən dövlət səviyyəsində qazi ailələrinə göstərilən diqqət və qayğıdan  məmnun olduğunu  ifadə edib.

Rayonda bütün qazi və şəhid ailələrinə kömək göstərilməsi işi davam etdirilir.

Qeyd edək ki, Bərdə rayonu Mollalı kəndindən qazi - əsgər Yusifov Hüseyn Natiq oğlu sentyabrın 27-də düşmənin törətdiyi təxribata qarşı əks-hücuma başlanan Vətən müharibəsində Qubadlı və Füzuli  rayonlarının azad edliməsində iştirak edib və Şuşa şəhəri istiqamətində Daşaltı ətrafında gedən döyüşlərdə  yaralanıb. Azərbaycan Prezidentinin müvafiq sərəncamı ilə əsgər Yusifov Hüseyn Natiq oğlu “Qubadlının azad olunmasına görə” və “Füzulinin azad olunmasına görə” medalları ilə təltif edilib.