Bərdədə yol qəzasında bir ailənin 4 üzvü yaralandı - Fotolar +Yenilənib
Bərdə rayonunda 5 nəfərin xəsarət alması ilə nəticələnən ağır yol-nəqliyyat hadisəsi baş verib.
"Qafqazinfo"nun məlumatına görə, rayonun Mirzəxan kəndi ərazisində "Vaz 21-011" markalı minik avtomobili ilə "Opel" markalı minik avtomobili toqquşub.
Qəza zamanı 5 nəfər müxtəlif dərəcəli bədən xəsarətləri ilə Bərdə rayon Mərkəzi Xəstəxanasına çatdırılıb. Onlardan bəzilərinin vəziyyəti ağırdır.
Faktla bağlı araşdırma aparılır.
***
Qəza zamanı xəsarət alanlar: "Vaz 21- 011" sürücüsü, 1992-ci il təvəllüdlü Məmişov Dünyamin Ehibar oğlu,
"Opel"in sürücüsü 1976-cı il təvəllüdlü Hüseynov Rəşad Əli oğlu, həyat yoldaşı - 1984-cü il təvəllüdlü Hüseynova Ülviyyə Rasim qızı və övladları 2008-ci il təvəllüdlü Hüseynova Aysu Rəşad qızı, 2009-cu il təvəllüdlü Hüseynov İmran Rəşad oğludur.
Qeyd edək ki, xəsarət alanlardan Ü.Hüseynova, A.Hüseynova və İ.Hüseynovun vəziyyətləri ağır olduğu üçün reanimasiya şöbəsinə yerləşdiriliblər.
Tural Hüseynli
Son Xəbərlər
- 1
- 2
- 3
- 4
- 5
- 6
