Bərdədə yolu keçmək istəyən qadını avtomobil vurub.
"Qafqazinfo"nun məlumatına görə, hadisə Bərdə rayon Gərənə kəndində baş verib.
Yolu keçmək istəyən Bərdə rayon Cəyərli kənd sakini 1963-cü il təvəllüdlü Hüseynova Şölə Haqverdi qızını "Mercedes"markalı minik avtomobili vurub. Xəsarət alan Ş.Hüseynova təcili tibbi yardım briqadasının koməkliyi ilə rayon Mərkəzi Xəstəxanasına çatdırılıb. Həkimlər yaralının vəziyyətinin orta-ağır olduğunu bildiriblər.
Faktla bağlı araşdırma aparılır.
Tural Hüseynli