Beyrutdakı nümayişçilər parlament sarayına girməyə çalışır - Yenilənib

Beyrutdakı nümayişçilər parlament sarayına girməyə çalışır
Oxunma sayı: 1725

Çərşənbə axşamı günü Livan paytaxtında hökumət əleyhinə etiraz aksiyaları yenidən başlayıb. “Qafqazinfo” xəbər verir ki, bu barədə “Al Arabiya” telekanalı məlumat yayıb.

Bildirilir ki, etirazçılar partlayış nəticəsində dağılmış Beyrut limanının girişinə toplaşıblar.

Manifestantlar hökumət əleyhinə şüarlar səsləndirir, Livan Prezidenti Mişel Aunun istefasını və parlamentin buraxılmasını tələb edirlər.

***

Beyrutda etirazçılar Plyas Etual meydanında yerləşən parlament sarayına keçmək üçün beton və metal çəpərlərə hücum edirlər. “Qafqazinfo” bildirir ki, bu barədə “TASS” xəbər verib.

Polislərin üstünə daşlar və petardalar atılır, buna cavab olaraq, atəş səsləri eşidilir, rezin güllələrdən istifadə edilir.

Polislər gözyaşardıcı qazdan hələ istifadə etmirlər, çünki nümayişçilərin sıralarında çoxlu qadın və uşaq var.

Bazar ertəsi Livan hökumətinin istefası ölkədə siyasi gərginliyi azaltmayıb. İndi müxalifət Prezident Mişel Aunun hakimiyyətindən getməsini, Deputatlar Palatasının buraxılmasını və növbədənkənar seçkilərin keçirilməsini tələb edir.


Daha tez məlumatlanmaq üçün Facebook səhifəmizi