Biləsuvarda qohumunu öldürən şəxs tutuldu - Yenilənib

bilesuvarda-qohumunu-olduren-sexs-tutuldu
Oxunma sayı: 2748

Biləsuvar şəhərində qətl hadisəsi baş verib.

“Qafqazinfo”nun verdiyi xəbərə görə, hadisə avqustun 7-də qeydə alınıb. Şəhər sakini Heydərov Ayxan Emin oğlu münaqişə zəminində yeznəsi 1982-ci il təvəllüdlü Vəliyev Elxan Yusif oğlunu bıçaqlayaraq öldürüb.

Faktla bağlı araşdırma aparılır.

Surxay Sahbazov

***

Biləsuvar rayon prokurorluğu qətl hadisəsi ilə bağlı məlumat yayıb. Bildirilir ki, avqustun 06-da saat 23 radələrində Biləsuvar rayonu ərazisində 1982-ci il təvəllüdlü Elxan Vəliyevin bıçaqlanaraq öldürülməsi barədə məlumat daxil olub. Dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Biləsuvar rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

İstintaqla hadisənin zərərçəkmişin qohumu 1989-cu il təvəllüdlü Ayxan Heydərov tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.

Ayxan Heydərov şübhəli şəxs qismində tutularaq istintaqa cəlb edilib.

Hazırda iş üzrə zəruri istintaq tədbirləri həyata keçirilir.