Binədə həyat yoldaşını öldürən kişi saxlanıldı - Yenilənib
Fevralın 11-i saat 07 radələrində Xəzər rayonu Binə qəsəbəsində 1968-ci təvəllüdlü Pakizə Məmmədovanın yaşadığı ünvanda münaqişə zəminində kəsici alətlə öldürülməsi barədə polisə məlumat daxil olub.
DİN-in mətbuat xidmətindən "Qafqazinfo"ya bildirilib ki, araşdırmalarla cinayət əməlini qadının həyat yoldaşı 1967-ci il təvəllüdlü Aydın Məmmədov tərəfindən törədilməsinə əsaslı şübhələr müəyyən edilib.
Polis əməkdaşları tərəfindən A. Məmmədov saxlanılaraq istintaqa təhvil verilib.
Araşdırma aparılır.
***
Xəzər rayon prokurorluğundan bildirilib ki, Binə qəsəbəsi ərazisində 1968-ci il təvəllüdlü Pakizə Xudiyevanın yaşadığı evdə öldürülməsi barədə prokurorluğa məlumat daxil olub.
1965-ci il təvəllüdlü Aydın Məmmədovun aralarında yaranmış münaqişə zamanı kəsici alətlə arvadını qəsdən öldürməsinə əsaslı şübhələr müəyyən edilib.
Faktla bağlı cinayət işi başlanıb. Aydın Məmmədov şübhəli şəxs qismində tutulub. İstintaq davam etdirilir.
Son Xəbərlər
- 1
- 2
- 3
- 4
- 5
- 6
