Binəqədidə Xocalıya həsr edilmiş silsilə tədbirlər keçirilib - Fotolar

Binəqədidə Xocalıya həsr edilmiş silsilə tədbirlər keçirilib - Fotolar
Oxunma sayı: 664

Binəqədi Rayon İcra Hakimiyyəti, Yeni Azərbaycan Partiyası Binəqədi Rayon təşkilatı C.Cabbarlı adına İrəvan Azərbaycan Dövlət Dram Teatrının birgə təşkilatçılığı ilə Xocalı soyqırımının 28-ci ildönümünə həsr edilmiş anım mərasimi keçirilib.

“Qafqazinfo” xəbər verir ki, tədbirdə Binəqədi Rayon İcra Hakimiyyəti başçısının müavini Vüsar İsmayılov, Aygün Əliyeva, Yeni Azərbaycan Partiyası Binəqədi Rayon Təşkilatının sədri Ramiz Göyüşov, C.Cabbarlı adına İrəvan Azərbaycan Dövlət Dram Teatrının direktoru İftixar Piriyev, Anadolu Aydınlar Ocağının direktoru İbrahim Öztək, Aparatın şöbə müdirləri, fəal gənclər və rayon ictimaiyyətinin nümayəndələri iştirak ediblər.

Tədbirdən öncə qonaqlar Azərbaycan Rəssamlar İttifaqının fəxri üzvləri Elnur İsgəndərova və Aygün İsgəndərovanın təşkilatçılığı ilə Xocalı soyqırımına həsr edilmiş rəsm sərgisini izləyiblər.

Tədbir faciə qurbanlarının xatirəsinin bir dəqiqəlik yad edilməsi ilə başlanılıb.

Çıxış edən Yeni Azərbaycan Partiyası Binəqədi Rayon Təşkilatının sədri Ramiz Göyüşov, C.Cabbarlı adına İrəvan Azərbaycan Dövlət Dram Teatrının direktoru İftixar Piriyev, Anadolu Aydınlar Ocağının direktoru İbrahim Öztək “Xocalı faciəsi”nin 28-ci ildönümü yaşansa da, hələ də Azərbaycanın bütün vətəndaşlarının o dəhşətli, faciəli gecəni, xalqımızın başına gətirilən bəlaları unutmadığını, milli azadlıq, müstəqillik uğrunda qəhrəmanlıq göstərən oğul və qızlarımızı hörmətlə yad etdiklərini bildiriblər.

Daha sonra Vüsar İsmayılov Xocalı soyqırımı haqqında həqiqətin dünyada bilinməsi, bu faciənin Azərbaycan xalqına qarşı soyqırımı aktı kimi tanınması üçün həyata keçirilən məqsədyönlü fəaliyyət bu gün də davam etdirildiyini qeyd edib.  

Eyni zamanda Fevralın 24-də Binəqədi Rayon İcra Hakimiyyəti, Yeni Azərbaycan Partiyası Binəqədi Rayon təşkilatı və Şuşa Dövlət Musiqili Dram Teatırının birgə təşkilatçılığı ilə tədbir keçirilmiş tədbirdə Şuşa Musiqili Dram Teatrı tərəfindən Xocalı soyqırımına həsr edilmiş tamaşa təqdim edilib.





Daha tez məlumatlanmaq üçün yeni Facebook səhifəmizi