Bir neçə saat işıq söndü - Ölkəyə nə qədər ziyan dəydi?
Enerji məsələləri üzrə ekspert İlham Şaban ötən gecə Mingəçevir İES-də baş verən və bütün ölkəni qaranlığa qərq edən hadisəyə məsul olan Azərenerji tərəfindən ölkə sənayesinə vurulan ziyan barədə məlumat verib.
“Qafqazinfo” xəbər verir ki, bu barədə sosial şəbəkədə yazan ekspert elekteik enerjisinin ölkə ərazisində maştablı kəsilməsi ilə bağlı araşdırmalarını davam etdirdiyini qeyd edib: “Ölkə sənayesinə vurulan ziyanı bir neçə gündən sonra daha dəqiq görmək olar. İlkin olaraq isə, Sumqayıt lokomotivin kimya sənayesi tam dayanıbmış. Azərbaycanın qurudakı buruqları enerji kəsildiyindən müvəqqəti olaraq fəaliyyətlərini dayandırmalı olublar, buruqların işə salınması tədricən baş verir. Ölkənin neftayırma zavodunda da qurğular dayanıbmış. Ölkənin su təsərrüfatına xeyli ziyan dəyib, çünki nasos stansiyaları işləmədiyindən istehlakçıların fasiləsiz su təminatı pozulub”.
Günel Türksoy
Son Xəbərlər
