BMT-nin təyyarəsi məcburi eniş etdi
Birləşmiş Millətlər Təşkilatının Humanitar Yardım Hava Xidmətinə məxsus təyyarə Efiopiyanın şərqində məcburi eniş edib.
“Qafqazinfo” xəbər verir ki, bu barədə BMT Humanitar Yardım Hava Xidməti məlumat yayıb.
Bildirilib ki, sərnişin daşıyan təyyarə günorta saatlarında təcili eniş etmək məcburiyyətində qalıb.
Qeyd olunub ki, təyyarədə iki sərnişin və iki ekipaj üzvü olub. Onlar ciddi xəsarət almayıblar, ancaq müayinə üçün Dire Dava Xəstəxanasına aparılıblar.
Sərnişinlər Sərhədsiz Həkimlər Yardım Təşkilatının əməkdaşları olublar. Təyyarənin məcburi enişinin səbəbi araşdırılır.
Son Xəbərlər
- 1
- 2
- 3
- 4
- 5
- 6
