Olimpiya Oyunlarına Bakının namizədliyi təsdiqləndi

<b>Olimpiya Oyunlarına Bakının namizədliyi təsdiqləndi</b>
Oxunma sayı: 355

Bu barədə Trend-ə Azərbaycan Milli Olimpiya Komitəsinin vitse-prezidenti Çingiz Hüseynzadə bildirib. Onun sözlərinə görə, yaxın zamanlarda Azərbaycanda Bakının namizədliyi ilə bağlı təşkilat komitəsi yaradılacaq.

2020-ci il Yay Olimpiya Oyunlarının keçirilməsi üçün Bakı ilə yanaşı Madrid, Roma, Tokio, İstanbul və Qətərin paytaxtı Doha şəhəri də namizədliklərini irəli sürüblər. "İlk təqdimat 2012-ci ilin fevral ayında baş tutmalıdır", - Hüseynzadə bildirib.

BOK ikipilləli seçimdən sonra 7 sentyabr 2013-cü ildə Argentinanın paytaxtı Buenos-Ayres şəhərində Olimpiyadaya ev sahibliyi edəcək şəhərin adını açıqlayacaq.

Azərbaycanın Milli Olimpiya Komitəsi Bakının namizədliyini 2016-cı il Yay Olimpiya Oyunları üçün də irəli sürmüşdü. Lakin BOK 2016-cı ildə Olimpiadanın Braziliyanın Rio-de-Janeyro şəhərində keçirilməsini qərara alıb.


Daha tez məlumatlanmaq üçün yeni Facebook səhifəmizi