Boris Conson məhkəməyə çağırıldı
Böyük Britaniyanın sabiq Xarici İşlər naziri, baş nazir postuna namizədliyi irəli sürülən Boris Conson məhkəməyə çağırılıb.
“Qafqazinfo”nun “Sky News” portalına istinadən verdiyi xəbərə görə, buna səbəb kimi onun 2016-cı ildə “Brexit” üzrə keçirilən referendum ərəfəsində səsləndirdiyi fikirlər göstərilir.
Consondan Vestminster Magistratlar Məhkəməsinə şikayət edən biznesmen Markus Bolldur. O, ifadəsində bildirib ki, eks-nazir İngiltərənin Avropa İttifaqı üzvlüyündən çıxmaqla həftəlik 350 milyon funt sterlinq vəsaitə qənaət edəcəyi barədə fikirlər ifadə edərək əhalidə çaşqınlıq yaradıb, çünki Britaniya Aİ-yə heç vaxt bu qədər vəsait ödəməyib.
Consonun vəkilləri açıqlama yayaraq qeyd ediblər ki, siyasətçi dediyi fikirlərdə heç bir yanlışlıq görmür.
Son Xəbərlər
- 1
- 2
- 3
- 4
- 5
- 6
