Görüşdə ümumi işlər üzrə prorektor Rəşad Həsənov  Bakı Ali Neft Məktəbinin yaranma  tarixi  haqqında qonaqlara  ətraflı məlumat verib. Bildirib ki, ali məktəbin yaradılmasında əsas məqsəd  günü-gündən inkişaf edən ölkəmiz, eyni zamanda istər Azərbaycanda, istərsə də xaricdə fəaliyyətini genişləndirən və artıq transmilli şirkətə çevrilən ARDNŞ üçün beynəlxalq standartlara cavab verən, ingilis dilli kadrların hazırlanması  olub. O, qeyd edib ki, Bakı Ali Neft Məktəbində  tədris Avropa  Kredit Transfer sisteminin tələbələrinə uyğun şəkildə təşkil olunub və  bu ali təhsil müəssisəsində  Böyük Britaniyanın Heriot Vatt Universiteti ilə əməkdaşlıq çərçivəsində  həmin universitetin tədris proqramları tətbiq olunmaqdadır.

Odlar  Yurdu  Azərbaycanda  olduğundan məmnunluq hissi keçirdiyini bildirən Böyük Britaniyanın Lordlar Palatasının üzvü Lord Riçard Risbi qeyd edib ki, Azərbaycan sürətli inkişaf yolunda inamla addımlayır .O, Azərbaycan prezidenti İlham  Əliyevin ölkədə apardığı  uğurlu  iqtisadi-siyasi  inkişafdan danışaraq  vurğulayıb ki,  dünyaya açılmış və regionun önəmli  dövlətinə çevrilən Azərbaycan  Böyük Britaniya və Aİ dövlətləri  üçün böyük  əhəmiyyət daşıyır.  O, tələbələrə müraciət edərək  bildirib ki,  artıq güclü dövlətə çevrilmiş ölkənizi qorumaq  və daha da  inkişaf etdirmək  gənclərin əlindədir. 

Qısa vaxt ərzində  Avropa standartlarına cavab verən, inglis dilli, müasir tədris texnologiyaları ilə təhciz olunmuş  belə bir universitetin  yaranmasını yüksək qiymətləndirən Kembric Universitetinin professoru Cefri Xan  Bakı Ali Neft Məktəbi  ilə gələcəkdə  bir çox sahələrdə əməkdaşlıq etmək niyyətində olduqlarını  bildirib.