Bu gün Özbəkistanın paytaxtı Daşkənddə “Böyük dəbilqə” turniri start götürür.
“Qafqazinfo” xəbər verir ki, Azərbaycan yığması yarışa 12 cüdoçu ilə qatılıb. Turnirin ilk günü onlardan dördü tatami üzərinə çıxacaq.
Kişilər
60 kq
Yarışa 1/16 finalda başlayan Oruc Vəlizadə Mortiz Plafkini (Almaniya) məğlub edib.
Kəramət Hüseynov təsnifatda Rusiya təmsilçisi Ayub Bliyev, 1/16 finalda Harim Lini (Cənubi Koreya), 1/8 finalda isə türkiyəli Mirac Akkusu mübarizədən kənarlaşdırıb.
66 kq
Nicat Şəxəlizadə ilk cəhdində Bojidar Temelkovu (Bolqarıstan) məğlub edib. Onun 1/8 finaldakı rəqibi koreyalı Baul An olacaq.
Orxan Səfərov ilk görüşdə Lukas Sanaya (Finlandiya) uduzub.
Qadınlar
48 kq
Leyla Əliyeva 1/16 finalda Gulnur Muratbaeva (Özbəkistan) üzərində qələbə qazansa da, növbəti mərhələdə serbiyalı Milisa Nikoliçlə bacarmayıb.
Bu çəkidəki digər təmsilçimiz Ayişə Qurbanlı isə ilk cəhdindəcə Xalimajon Kurbonovaya (Özbəkistan) uduzub.