Böyükşor parkında piknik aksiyası keçirilib
Dünən “Təmiz Şəhər” ASC, ASAN könüllülər Məktəbi ilə birlikdə “Yaşıl ASAN” layihəsi çərçivəsində Böyükşor gölünün ətrafında piknik festivalı təşkil edib. 500-dən artıq insanın qatıldığı festivalın məqsədi ictimaiyyəti ətraf mühitin qorunması probleminə cəlb etməkdir.
“Qafqazinfo” xəbər verir ki, tədbir zamanı uşaqlar üçün əyləncə meydançaları və batutlar quraşdırılıb, interaktiv viktorinalar və oyunlar təşkil olunub, sərinləşdirici içkilər və dondurmalar paylanılıb. İştirakçılara tullantıların idarəolunmasına dair geniş məlumat verilib, istirahət etdikdən sonra yaranan bərk məişət tullantılarının yığışdırılmasının nə dərəcədə önəmli olduğu diqqətə çatdırılıb.
Festivalda gənc müğənnilər və musiqiçilər də iştirak edib.
Piknik iştirakçılarına Böyükşor gölü və parkı haqqında məlumat verilib. Bildirilib ki, bir neçə il öncə ekoloji fəlakət zonası hesab olunan bu ərazinin istirahət zonasına çevrilməsi böyük əziyyət və əməyin nəticəsidir. Neft tullantıları və çirkab sular mənbəyi kimi tanınan Böyükşor gölünün 300 hektar ərazisi tullantılarıdan təmizlənərək gölün dibindən 2.8 mln m3 dib çöküntüsü çıxarılıb. Yaradılan Böyükşor Parkının ərazisində isə 80 min ağac və dekorativ kol əkilib.
Son Xəbərlər
- 1
- 2
- 3
- 4
- 5
- 6
