DÇ-2018-də E qrupunun son matçları keçirilir.

“Qafqazinfo” xəbər verir ki, bu qrupda yalnız Kosta-Rika üçün növbəti mərhələ şansları bitib.

Onlar İsveçrə ilə matçda çempionatdan xalla ayrılmaq üçün çalışacaqlar. İsveçrə millisinin isə növbəti mərhələ şansları yüksəkdir. Qələbə və ya heç-heçə onları növbəti mərhələyə daşıyacaq. Avropalılar hətta uduzsalar belə, Braziliyanın Serbiyanı üstələyəcəyi halda 1/8 finala adlayacaqlar.

Qrupun digər matçında üz-üzə hələlik qrupda lider olan Braziliya Serbiya ilə qarşılaşır. Onları bərabərlik də 1/8 finala çıxmaq üçün qane edir. Serbiya isə 1 xalla ayrılarsa, digər oyunda Kosta-Rikanın qələbəsi lazım olacaq.

Dünya çempionatı, 2018

3-cü tur

E qrupu

22:00. Serbiya - Braziliya

22:00. İsveçrə - Kosta-Rika

Turnir cədvəli

***

Hər iki matç başladı.

***

İlk 10 dəqiqə ərzində komandalar ehtiyatlı oyun sərgiləyirlər. Hər iki oyunda hələlik qol yoxdur.

***

31-ci dəqiqədə İsveçrə hesabda önə çıxıb. Cemaili fərqlənib.

***

Serbiya - Braziliya matçında da hesab açılıb. 36-cı dəqiqədə Paulinyo Braziliyanı hesabda önə çıxarıb.

***

İlk hissədə başqa qol vurulmayıb və tərəflər fasiləyə yollanıblar.

***

İkinci hissə başladı.

***

56-cı dəqiqədə Kosta-Rika bərabərlik qolunu vurub. Uaston hesabı bərabərləşdirib.

***

68-ci dəqidədə Tyaqo Silva Braziliyanın ikinci qoluna imza atıb.

***

88-ci dəqiqədə İsveçrə hesabda yenidən önə çıxıb. Drmiç komandasının 2-ci qolunu vurub.

***

Kosta-Rika 90+3-cü dəqiqədə hesabı bərabərləşdirir. 

***

Hər iki matç başa çatır