Bu görüntülərlə bağlı rəsmi açıqlama

Bu görüntülərlə bağlı rəsmi açıqlama
Oxunma sayı: 2312

Xəbər verdiyimiz kimi, balıqların kürütökmə dövrünün başlanması ilə əlaqədar  mayın 1-dən sentyabrın 1-dək ölkədə balıq ovu qadağan olunub. 

Mingəçevir rayon sakinləri isə “Qafqazinfo”ya müraciət edərək Alazan çayının Mingəçevir gölünə töküldüyü sahədə qanunsuz balıq ovlandığını bildirib. Qeyd olunub ki, gün ərzində 10-15 qayıq həmin ərazidə tor üsulu ilə balıq tutur. 
 
Məsələ ilə bağlı Mingəçevir Şəhər Su Polis İdarəsinin əməkdaşı Mübariz Mustafayev “Qafqazinfo”ya bildirib ki, təqdim olunan çəkiliş may ayının əvvəlində olub: 

“Ərazidə mütəmadi olaraq monitorinqlər keçirilir, dünən özüm də orada olmuşam. Heç bir qayıqdan söz gedə bilməz. Hazırda da ərazidə ETSN-in əməkdaşları tərəfindən reyd keçirilir.

Həmin şəxslərlə bağlı tədbir görülüb. May ayından bu yana bir neçə dəfə cinayət faktı müəyyən edilib və tədbirlərimiz davam etdirilir”. 

Günel Hacı


Daha tez məlumatlanmaq üçün yeni Facebook səhifəmizi