Bu gün meşə fondu torpaqlarında 24 mindən çox ağac əkilib
Son günlər ölkədə hava şəraitinin əlverişli keçməsi bir sıra meşə fondu torpaqlarında ağacəkmə və meşəbərpa tədbirlərinin aparılmasına imkan verir. Bu gün növbəti ağacəkmə və meşəbərpa tədbirləri Lerik, Masallı, İmişli, Sabirabad, İsmayıllı, Qəbələ, Şəki, Ağdaş və Göygöl rayonlarının meşə fondu torpaqlarında keçirilib, hər bölgənin torpaq-iqlim şəraitinə uyğun ağac tingləri əkilib.
Bu haqda “Qafqazinfo”ya Meşələrin İnkişafı Xidmətinin rəisi Ramik Əşrəfov məlumat verib.
“Gün ərzində Regional Meşə Təsərrüfatı Mərkəzlərinin əməkdaşlarının iştirakı ilə ümumilikdə 18,5 hektar ərazidə 24 150 ədəd müxtəlif cinsli ağac tingi əkilib, 900 kiloqram toxum səpilib”, - Ramik Əşrəfov bildirib.
Xidmət rəisinin sözlərinə görə, ağacəkmə və meşəbərpa tədbirlərində Regional Meşə Təsərrüfatı Mərkəzlərinin tinglik sahələrində yetişdirilmiş palıd, fıstıq, vələs, ağcaqayın, qarağac, çinar, cökə, göyrüş tinglərindən istifadə olunur.
Son Xəbərlər
- 1
- 2
- 3
- 4
- 5
- 6
