Bu gün “Qarabağ” və “Neftçi” qarşılaşacaq

Bu gün “Qarabağ” və “Neftçi” qarşılaşacaq
Oxunma sayı: 1204

Bu gün futbol üzrə Azərbaycan Premyer Liqasında IV turun son 2 görüşü baş tutacaq.

“Qafqazinfo” xəbər verir ki, ikinci oyun günündə əvvəlcə “Keşlə” “Səbail”i qəbul edəcək. Matç “Bakcell Arena”da olacaq. İlk 3 turdan 6 xal toplayan rəqiblər turnir cədvəlində qonşudurlar. “Keşlə” 3-cü, “Səbail” 4-cü sıradadır.

Turun son oyunu çempionluğa 2 əsas namizəd – “Qarabağ” və “Neftçi” arasında olacaq. Komandalar Tofiq Bəhramov adına Respublika Stadionunda üz-üzə gələcəklər.

Milli çempionatların daimi iştirakçısı olan “Qarabağ” və “Neftçi” indiyədək 76 dəfə görüşüblər. Bunlardan 28-də ağdamlılar, 20-də isə bakılılar 3 xal əldə ediblər.Qeyd edək ki, ilk oyun günündə qonaqlar qalib gəlib. "Zirə" "Sumqayıt"ı 2:1, "Qəbələ" isə "Sabah"ı 1:0 hesabı ilə üstələyib.

Premyer Liqa

IV tur

15 sentyabr (bazar)

18:00. “Keşlə” – “Səbail”

Hakimlər: Elçin Məsiyev, Elşad Abdullayev, Qəzənfər Məmmədov, İnqilab Məmmədov

Hakim-inspektor: Şahin Cəfərov

AFFA nümayəndəsi: Ramiz Mustafayev

“Bakcell Arena”

20:30. “Qarabağ” – “Neftçi”

Hakimlər: Əliyar Ağayev, Zeynal Zeynalov, Akif Əmirəli, Orxan Məmmədov

Hakim-inspektor: Babək Quliyev

AFFA nümayəndəsi: Mübariz Hüseynov

Tofiq Bəhramov adına Respublika Stadionu


Daha tez məlumatlanmaq üçün yeni Facebook səhifəmizi