Bu il Bakıdakı “Jara”da nələr olacaq?
“Jara”nın təşkilat komitəsi Beynəlxalq Musiqi Festivalının 2020-ci ilə olan proqramının yeni təfərrüatlarını açıqlayıb.
“Qafqazinfo”nun məlumatına görə, festivalın rəsmi İnstaqram səhifəsində beş gün davam edəcək şounun konsert proqramı dərc edilib.
29 iyul – Qala-konsert
30 iyul – 90-cı illərin xitləri / Rusiyanın Xalq artisti Dmitri Malikovun yaradıcılıq gecəsi
31 iyul – Rusiyanın Xalq artisti İqor Nikolayevin yaradıcılıq gecəsi
1 avqust – “International Day” / ”Zhara Music” leyblının artistləri
2 avqust – “Z” nəsli / Yeqor Kridin solo konserti / Hammali & Navai-nin solo konserti
Bir çox sürprizlər vəd edən təşkilat komitəsi festivalın konsert proqramında dəyişiklikər ediləcəyini də istisna etməyib.
Qeyd edək ki, D.Malikovun yaradıcılıq gecəsi onun yubileyinə həsr olunacaq. Yanvarın 29-da artistin 50 yaşı tamam olacaq. İqor Nikolayevin də “Jara-2020”dəki yaradıcılıq gecəsi onun yubileyi münasibəti ilə keçiriləcək. Bu günlərdə müğənni və bəstəkarın 60 yaşı tamam olmuşdu.
Bundan əlavə, “Jara-2020”in ulduz qonaqlarından biri məşhur türkiyəli müğənni Mustafa Sandal olacaq. Daha əvvəl o, İnstaqram hesabının “Stories” bölməsində festivalda iştirak edəcəyi barədə məlumat vermişdi.
Son Xəbərlər
- 1
- 2
- 3
- 4
- 5
- 6
