Bu klub da Kadinin transferindən pul qazanacaq
Braziliyanın "Koritiba" klubu Kadi Borgesin "Qarabağ"dan "Krasnodar"a transferindən pul qazanacaq.
“Qafqazinfo” Braziliyanın UOL portalına istinadən xəbər verir ki, FİFA-nın həmrəylik mexanizminə əsasən, 12 yaşdan 23 yaşadək futbolçunun yetişdirilməsinə cavabdeh olan klub futbolçunun bir sonrakı transferindən ümumi məbləğin 5 faizinə qədərini almalıdır. Braziliyalı futbolçunun keçidi üçün “Qarabağ”a 4 milyon 800 min avro ödəniləcək. Bu məbləğin 5 faizi - təqribən 240 min avro "Koritiba"ya çatacaq.
Qeyd edək ki, K.Borges "Krasnodar"la 2026-cı ilin iyununa kimi müqavilə imzalayacaq.
Son Xəbərlər
- 1
- 2
- 3
- 4
- 5
- 6
