ABŞ Prezidenti Donald Trampla Türkiyə lideri Rəcəb Tayyib Ərdoğan arasında telefon danışığı olub.
“Qafqazinfo” “Hürriyet”ə istinadən xəbər verir ki, bu barədə Ağ Ev rəhbəri Los-Ancelesə yola düşərkən hava limanında jurnalistlərə açıqlamasında bildirib. O deyib ki, türkiyəli həmkarı ilə İdlib məsələsini müzakirə edib. Ərdoğanı “güclü və sərt lider” adlandıran Tramp onunla çox yaxşı münasibəti olduğunu bildirib: “Ərdoğanla İdlib məsələsində birlikdə işləyirik”.
Xatırladaq ki, həftə sonu Ağ Evdən verilən açıqlamada Trampın Türkiyənin insan fəlakətinin qarşısını almaq üçün göstərdiyi səylərə görə Ərdoğana təşəkkür etdiyi bildirilirdi.