Bu ölkələr Ukraynaya silah verməyəcək

Bu ölkələr Ukraynaya silah verməyəcək
Oxunma sayı: 4739

Macarıstanın müdafiə naziri Kristof Salay-Bobrovniczky bildirib ki, ölkəsi və Avstriya müharibəni daha da böyütməmək üçün Ukraynaya silah göndərməyəcək.

“Qafqazinfo” xəbər verir ki, Macarıstan müdafiə naziri bu haqda paytaxt Budapeştdə Avstriyanın müdafiə naziri Klaudia Tanner ilə görüşdən sonra birgə mətbuat konfransında deyib:

“Macarıstanın mövqeyi bəllidir, münaqişənin qızışmasının qarşısını almaq istədiyimiz üçün ona silah göndərmirik. Biz bu barədə Avstriya ilə razıyıq. Avstriya da müharibəyə silah göndərmir. Amma eyni zamanda hər iki ölkə müharibədən qaçanlara humanitar yardım edir”.

Avstriya naziri Tanner isə Avropada təhlükəsizlik vəziyyətinin Ukraynadakı proseslərin yaratdığını və ən böyük təhlükənin müharibənin Avropaya yayılması olduğunu bildirib.