Avropa Liqasının ilk təsnifat mərhələsində bu gün “İnter”lə üz-üzə gələcək Serbiyanın “Mladost” klubunun yarımmüdafiəçisi Vladimir Radivojeviç yerli mətbuata müsahibə verib. “Qafqazinfo” xəbər verir ki, o, Avropa Liqasındakı debüt oyunlarından danışıb:

- Matç haqqında fikirləriniz necədi?

- Bu sanki yuxu idi. Mənə inandırıcı gəlmir ki, biz Avropa Liqası oyununda meydana çıxacağıq. Əgər yuxudursa, uzun müddət bu yuxudan oyanmaq istəmirəm. Bizim üçün tarixi əhəmiyyətə malik matçdır. Uğurlu olacağına inanıram.

- Rəqibi təhlil etmisiniz?

- Baş məşqçimiz Nenad Milovanoviç bizə ətraflı məlumat verib. O, dünən gecə komandaya rəqibin oyun tərzini izah etdi. "İnter" ağır və aqressiv futbol oynayır. Lakin biz sakit olub özü oyunumuzu göstərməliyik. Eyni səviyyədə çıxış edə bilsək, uğur bizimlə olacaq.

- Hansı nəticəni gözləyirsən?

- Əsas olan qələbədi. Hesabın fərqi yoxdu. Sadəcə evdə üstünlük qazanmalıyıq ki, səfərdə yaxşı çıxış edək. Fikrimcə, evdə iki qol vursaq, bu səfərdən qalib ayrılmağımız üçün də bəs edəcək.

- Məqsədə çatmaq üçün başqa nə lazımdı?

- Güclü müdafiə və sürətli hücumlar qurmaq lazımdı. İlk oyundan sonra Azərbaycan klubunun bütün oyun tərzini açıq-aşkar görəcəyik. Bizi ağır oyun gözləyir.

- Tribunalarda vəziyyət necə olacaq?

- Azarkeşlərin bizə dəstəyinə ehtiyacımız var. Çempionatda bizə edilən dəstəyi Avroliqada da gözləyirik. Birlikdə çox uğurlarımız olacaq.