Burkina-Fasonun şimalında azı 36 nəfər terror qurbanı olub. “Qafqazinfo” bildirir ki, bu barədə ölkənin “RTB” radiostansiyası məlumat yayıb.
Hadisə yanvarın 20-də Naqraoqoda yerləşən bazarda baş verib. Terrorçular 32 vətəndaşı öldürüb, bazarı yandırıb və oranı tərk ediblər. Onlar Alamu kəndi yaxınlığında daha 4 nəfərin həyatına son qoyublar. Bundan əlavə, hücum nəticəsində 3 nəfər yaralanıb.
Hökumət ölən və yaralananların ailələrinə başsağlığı verib.
Hələ ki, heç bir qruplaşma hadisəyə görə məsuliyyəti öz üzərinə götürməyib.