Cəlilabad sakini Məşğulluq Mərkəzindən narazıdır - Video
Cəlilabadın Ocaqlı kənd sakini Cəbrayıl Sadıqov rayonun Məşğulluq Mərkəzindən narazıdır.
“Qafqazinfo” xəbər verir ki, bu barədə o, Real tv-nin qaynar xəttinə video-müraciət göndərib.
C.Sadıqov bildirib ki, ailəsini dolandırmaqda çətinlik çəkdiyindən rayonun Məşğulluq Mərkəzinin heyvandarlıq sahəsi üzrə özünəməşğulluq proqramından qeydiyyatdan keçib. Lakin o, iddia edir ki, müraciətindən 6 il keçməsinə baxmayaraq, ona mal-qara verilməyib.
C.Sadıqovun şikayəti ilə bağlı Əmək və Əhalinin Sosial Müdafiəsi Nazirliyinin tabeliyində yaradılan Dövlət Məşğulluq Agentliyi ilə əlaqə saxlanılıb. Agentlikdən bildirilib ki, vətəndaş növbəli qaydada bütün prosedurlara cəlb olunacaq.
Son Xəbərlər
- 1
- 2
- 3
- 4
- 5
- 6
