Daha bir ölkədə elektron siqaret qadağan ediləcək

Daha bir ölkədə elektron siqaret qadağan ediləcək
Oxunma sayı: 789

Filippin höküməti ölkədə veyp çəkənlər arasında ilk xəstənin qeydə alınmasından sonra elektron siqaretlərin istifadəsini və ölkəyə idxalını qadağan etmək istəyir. “Qafqazinfo”nun məlumatına görə, bu barədə “PNA” agentliyi yazıb.

Filippin Prezidenti Rodriqo Dutertenin sözlərinə görə, veyplərin tərkibində naməlum kimyəvi maddələr və sağlamlıq üçün zərərli olan nikotin var.

Duterte ictimai yerlərdə elektron siqaretdən istifadə edən şəxslərin polis tərəfindən saxlanılmasına dair sərəncam verib. Bu məhsulun tamamilə qadağan edilməsi barədə qərar isə yaxın günlərdə imzalanacaq.

Qeyd edək ki, noyabrın 15-də Filippinin Səhiyyə Nazirliyi 16 yaşlı qızın veyp çəkməsi nəticəsində səhhətinin kəskin pisləşməsi və ağciyərlərinin zədələndiyi faktını təsdiqləmişdi.

Xatırladaq ki, daha əvvəl Türkiyə höküməti elektron siqaretlərin satışına və idxalına qadağa qoymaq niyyətində olduğunu açıqlamışdı. ABŞ-ın San-Fransisko şəhərindəMiçiqan ştatında elektron siqaretlərin bütün növlərinin istifadəsi qadağan edilib. 


Daha tez məlumatlanmaq üçün yeni Facebook səhifəmizi