Daxili uçuşlara bilet alanların nəzərinə - Test verilməlidir!
Xəbər verdiyimiz kimi, iyunun 18-də saat 12:00-da Bakı-Naxçıvan istiqamətində ilk uçuş olacaq.
“Qafqazinfo”nun verdiyi xəbərə görə, daxili uçuşlarda bilet alan şəxslərə TƏBİB-in hansı laboratoriyasında test verməsi barədə məlumat göndəriləcək.
Bu barədə məlumatı AZAL-ın vitse-prezidenti Eldar Hacıyev verib. O qeyd edib ki, test verilməsi pulsuz olacaq, dövlətin hesabına həyata keçiriləcək: “Biletlərin alışı uçuşa 72 saat qalmış bağlanacaq. Çünki bilet alan sərnişinin test verib cavab alması da reallaşdırılmalıdır. Testin cavabı elektron biletdə qeyd olunacaq”.
Qeyd edək ki, həmin gün saat 15:00-da Naxçıvana ikinci uçuş həyata keçiriləcək.
***
TƏBİB-in şöbə müdiri Yaqut Qarayeva bildirib ki, Naxçıvandan gələn sərnişinlər hava limanında tibbi müayinədən keçirildikdən sonra ev karantininə göndəriləcək.
Murad Əhməd
Son Xəbərlər
