Deputat və icra başçısı Naftalanda şəhid məzarlarını ziyarət etdi - Fotolar

deputat-ve-icra-bascisi-naftalanda-sehid-mezarlarini-ziyaret-etdi
Oxunma sayı: 1944

Millət vəkili Anar Məmmədov və Naftalan Şəhər İcra Hakimiyyətinin başçısı Vüqar Novruzov Vətən müharibəsi şəhidlərinin məzarını ziyarət edərək şəhidlərin əziz xatirəsinə sonsuz ehtiramlarını bildirib, məzarları önünə gül dəstələri düzülüb və ruhlarına dualar oxunub.

“Qafqazinfo” xəbər verir ki, eyni zamanda şəhid valideynlərinə bildirilib ki, Ali Baş Komandan, Prezident İlham Əliyevin əsrin dörddə birindən çox davam edən münaqişəni 44 gün ərzində həll etdiyini, öz qanı və canı bahasına Vətən torpağının müdafiəsinə qalxanların, həmçinin onların ailələrinin daim dövlətin qayğısı ilə əhatə olunduqları vurğulanıb. Azərbaycanın ərazi bütövlüyü uğrunda canlarından keçən şəhidlərimizə Allahdan rəhmət, yaralılara şəfa dilənib və şəhidlərimizin qanının yerdə qalmadığı bildirilib.

Şəhid ailələri göstərilən yüksək diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya sonsuz minnətdarlıqlarını ifadə ediblər.