Derince limanındakı partlayışda 15 min ton məhsula ziyan dəyib
Türkiyənin Kocaeli vilayətində Derince limanında baş verən partlayış zamanı anbarda saxlanılan kənd təsərrüfatı məhsullarının saxlanıldığı 20%-nə ziyan dəyib.
“Qafqazinfo” Türkiyə mediasına istinadən xəbər verir ki, bu barədə məlumatı Türkiyənin Prezident Administrasiyası yayıb.
Administrasiya bununla da ölkə mediasında insident zamanı 8 milyon ton məhsul ehtiyatının zərər görməsi ilə bağlı yayılan məlumatlara aydınlıq gətirib: “Limanın ümumi tutumu 95 min ton təşkil edir. Partlayışın baş verdiyi anbarda 75 min ton ehtiyat olub. İlkin hesablamalara görə, bu ehtiyatın təqribən 20%-inə (15 min ton) ziyan dəyib. Buna görə də, 8 milyon ton məhsulun məhv olduğu barədə yayılan məlumatlar həqiqətə uyğun deyil”.
Xatırladaq ki, avqustun 7-si Derince limanında güclü partlayış baş verib. Hadisə nəticəsində 12 nəfər xəsarət alıb. Daha sonradan partlayışın taxılın gəmiyə yüklənməsi zamanı elevatorda baş verdiyi qeyd olunub. Hazırda məsələ ilə bağlı araşdırma aparılır.
Son Xəbərlər
- 1
- 2
- 3
- 4
- 5
- 6
