Dünənki yanğına görə yağ təminatında çətinlik olacaq? - Açıqlama
“Azərsun Sənaye Parkı”nda baş vermiş yanğın hadisəsi nəticəsində “Sun Food” MMC-yə məxsus anbarlara ciddi maddi ziyan dəysə də, əməkdaşlar arasında xəsarət alan yoxdur”.
“Qafqazinfo” xəbər verir ki, bu barədə “Azərsun Holdinq” məlumat yayıb.
“İstehsal müəssisələrimiz yanğın baş verən ərazidən aralıda yerləşdiyi üçün onlara hər hansı ziyan dəyməyib, həmişəki gücü ilə çalışırlar.
“Sun Food” MMC şirkətinin Xırdalan və digər ərazilərdə yerləşən anbarlarında kifayət qədər ehtiyatları mövcuddur. Ölkədə yağ və digər qida məhsullarının təminatı ilə bağlı hər hansı çətinlik yaranmayacaq.
Baş vermiş hadisə ilə bağlı dəstəyini bildirmiş hər kəsə təşəkkürümüzü bildiririk.
Hazırda aidiyyəti dövlət qurumları tərəfindən araşdırma aparılır, ictimaiyyət nəticələr barədə məlumatlandırılacaq”, - açıqlamada deyilir.
Son Xəbərlər
- 1
- 2
- 3
- 4
- 5
- 6
