Dünyanın koronavirusdan sağalan ən uzunömürlü sakini o oldu
Niderlandın 107 yaşlı vətəndaşı Karneliya Ras koronavirusa qalib gəlib.
“Qafqazinfo” lenta.ru-ya istinadən xəbər verir ki, bununla da o, dünyanın koronavirusdan sağalan ən uzunömürlü sakini statusunu qazanıb.
Xatırladaq ki, martın 17-də Qure-Overflakk adasında 107-ci doğum gününü qeyd edən Karneliya bir gün sonra özünü pis hiss etmiş, öskürməyə başlamışdı. Temperaturu 38 dərəcəyə yüksələn qadını xəstəxanaya yerləşdirmişdilər. Ona edilən Covid-19 testi pozitiv çıxmışdı. Rasla yanaşı, onun qocalar evindəki 40-dək qonşusunda da virus tapılmışdı. 2 həftəlik müalicədən sonra sağalan Karneliyanın qaldığı qocalar evində artıq 12 nəfər dünyasını dəyişib.
Qeyd edək ki, Niderlandda 2396 nəfər koronavirusdan ölüb. Ümumi yoluxma sayı isə 21 min 800-dür.
Xatırladaq ki, martın 18-də İranın Semnan şəhərində koronavirusa yoluxan 103 yaşlı qadın da Covid-19-a qalib gəlib.
Son Xəbərlər
- 1
- 2
- 3
- 4
- 5
- 6
