Ekvadordakı iğtişaşlarda 1327 nəfər saxlanılıb
Ekvador Silahlı Qüvvələri və polisi ölkədəki iğtişaşlar zamanı 1327 nəfəri saxlayıb.
“Qafqazinfo” xarici mediaya istinadən xəbər verir ki, bu barədə məlumatı Ekvador Prezidenti Daniel Noboanın administrasiyası yayıb.
“2024-cü il yanvarın 9-dan 14-nə qədər 1327 nəfər saxlanılıb, onlardan 143-ü terrorizmdə şübhəli bilinir. Daha 5 terrorçu zərərsizləşdirilib, girov götürülən 11 polis azad edilib, 2 polis əməkdaşı isə vəzifə başında həlak olub”, - deyə məlumatda qeyd olunub.
Xatırladaq ki, yanvarın 7-si Ekvadorda “Los-Çoneros” bandasının Fito ləqəbli rəhbəri həbsxanadan qaçdıqdan sonra ölkədə təhlükəsizliklə bağlı vəziyyət kəskinləşib. Bunun ardınca, ölkədə bir neçə cəzaçəkmə müəssisəsində qiyamlar baş qaldırıb. Noboa yanvarın 8-i ölkədə fövqəladə vəziyyət və komendant saatı elan edib.
Son Xəbərlər
- 1
- 2
- 3
- 4
- 5
- 6
